Parlamenti i Maqedonisë së Veriut zgjodhi me 62 vota Qeverinë e re të kryesuar nga kryeministri Dimitar Kovaçevski.
Pas debatit dyditësh, 62 deputetë votuan pro, 46 kundër, nuk kishte abstenim, ndërsa në sallë ishin 108 deputetë, 62 nga qeveria dhe 46 nga opozita, përcjell INA.
Kryetari i Kuvendit Talat Xhaferi pas votimit i ka bërë thirrje kryeministrit Kovacevski dhe anëtarëve të kabinetit të tij që të lexojnë deklaratat solemne.
Pas dhënies dhe nënshkrimit të deklaratës solemne, Xhaferi ka uruar kryeministrin dhe ministrat për zgjedhjen e tyre dhe më pas ka konstatuar se Qeverisë së kaluar i ka përfunduar mandati.
Në Qeverinë që do të udhëhiqet nga Dimitar Kovaçevski, këto janë ministrat e kabinetit qeveritar:
Sllavjanka Petrovska – ministre e Mbrojtjes
Oliver Spasovski – ministër i Punëve të Brendshme
Nikolla Tupançevski – ministër i Drejtësisë
Artan Grubi – ministër për Sistem Politik dhe Marrëdhënie mes komuniteteve – zëvendëskryeministër i parë
Bujar Osmani – ministër i Punëve të Jashtme
Fatmir Besimi – ministër i Financave
Kreshnik Bekteshi – ministër i Ekonomisë
Lupço Nikollovski – ministër i Bujqësisë, Pylltarisë dhe Ekonomisë së Ujrave
Bekim Sali – ministër i Shëndetësisë
Jeton Shaqiri – ministër i Arsimit dhe Shkencës
Jovana Trençevski – ministre e Punës dhe Politikës Sociale
Goran Milevski – ministër i Vetëqeverisjes Lokale
Bisera Kostadinova Stojçevska – ministre e Kulturës
Admirim Aliti – ministër për Shoqëri Informatike dhe Administratë
Bllagoj Boçvarski – ministër për Transport dhe Lidhje
Naser Nuredini – ministër për Mjedis Jetësor dhe Planifikim Hapësinor
Bojan Mariçiq – ministër pa resor – zëvendëskryeministër për çështje evropiane
Sllavica Grkovska – ministër pa resor – zëvendëskryeministre për luftë kundër korrupsionit
Fatmir Bytyqi – ministër pa resor – zëvendëskryeministër për çështje ekonomike
Xhemail Çupi – ministër pa resor përgjegjës për diasporën.