Shpallet fletarrest ndërkombëtar për të arratisurin nga Idrizova, do të bëhet kontroll i jashtëzakonshëm në burg

Iliria News Agency
Iliria News Agency

13 Janar, 2023

Drejtoria për Ekzekutimin e Sanksioneve, pas rastit të mbrëmshëm ku një i dënuar ka qëlluar me armë zjarri një polic të burgjeve dhe është arratisur gjatë transportimit në spital, ka njoftuar se do të kryejë kontroll të jashtëzakonshëm në INP Idrizovë dhe do të marrë masat përkatëse për të gjitha parregullsitë e konstatuara për të përcaktuar se përse nuk është ofruar ndihma e policisë për shoqërimin në spital.

Ata thonë se do të përcaktohet nëse ka ndonjë përgjegjësi për transportimin e të dënuarit, si dhe për lëshimet që çuan në një rrjedhë të tillë të të gjithë ngjarjes. Gjithashtu theksojnë se është lëshuar urdhër për shpalljen e fletarrestit ndërkombëtar për të arratisurin.

Drejtoria përmes një komunikate ka thënë se mbrëmë rreth orës 23:20 gjatë përcjelljes së personit të dënuar B.M.(36) nga INP “Idrizovë” për në Qendrën Urgjente “Nënë Tereza” për shkak të lëndimit në dorën e djathtë, në autostradën për Shkup në pikën e karburantit Lukoil, automjeti zyrtar është kapur nga një mjet tip “Audi” ngjyrë gri pa targa që i ka zënë rrugën.

“Në atë moment i dënuari i ka marrë pistoletën e shërbimit nga këllëfi i policit të burgut I.H i cili drejtonte furgonin, ka qëlluar në drejtim të tij dhe e ka plagosur në pjesën e poshtme të barkut. Për shkak të plagosjes drejtuesi ka ndaluar mjetin, dhe personi i dënuar është arratisur me automjetin e pasagjerëve “Audi”. Punonjësit e policisë së burgjeve rastin e kanë raportuar në SPB Shkup”, sqaron Drejtoria.

Punonjësi i policisë së burgjeve që është plagosur është dërguar në spital për trajtim të mëtejshëm, ndërsa pjesëmarrësit e ngjarjes janë intervistuar nga autoritetet e MPB-së.

Ndryshe, i arratisuri është B.M nga Tetova dhe i njëjti është dënuar me gjithsej 21 vjet burgim, prej tyre 19 për vrasje dhe dy për prodhim dhe tregtim të paautorizuar të narkotikëve, substancave psikotrope dhe prekursorëve. Ai e vuan dënimin që nga 28 dhjetori 2020 dhe skadon më 17 prill 2040.

ME TE LEXUARA

LEXO MË SHUMË

Mitrovica

Sulmohen dy shqiptarë në Mitrovicën e veriut

9A904D21-4FA8-4B26-A94C-FEE1A0970CB8

Bullgari: Përplasje fizike në parlament!

Arrestim_Pranga-780x468-1

Arrestohet për dhunë ndaj gruas një person nga Gostivari

banka-popullore-800x445-780x439-1

Në shtator inflacioni në RMV pritet të bie nën 10 për qind

auto_donald-trump-oval-office1550229304

Trump u regjistrua duke pranuar se kishte mbajtur dokumente të klasifikuara për Iranin

ukraine-ushtare-rusi-kiev

Lufta në Ukrainë: Të tjerë të vrarë në sulmin me raketa gjatë natës në Kiev

zelensky-1

Zelensky përsërit thirrjen për anëtarësim në NATO dhe BE

IMG_1769

Kasami: Artan Grubi po angazhohet për ta kthyer Nikolla Gruevskin në Maqedoni!(Video)

ali-ahmeti-edi-rama

Për Edi Ramën dhe Ali Ahmetin: Dilni nga “Ballkani i Hapur” i Serbisë së ministrit të Millosheviçit e ndihmojeni Kosovën

INFO

NA NDIQ