Stresi nxit nepsin

INA
INA

20/03/2024

Stresi ose ankthi e nxisin njeriun ta shohë ushqimin si ngushëllim.

Në shumë raste, ushqimi mund të ketë ndikim qetësues ose ngushëllues, por në raste të tjera ai përkeqëson situatën dhe ju bën të shtoni në peshë.

Nëse ushqimi përbën mënyrën tuaj të preferuar për t’u përballur me ankthin ose një situatë stresuese, atëherë duhet të merrni në konsideratë shtatë këshillat e listuara nga AgroWeb.org.

Mos pini kafeinë ose alkol

Kur jeni të stresuar nuk duhet të pini kafeinë ose alkol sepse të dyja këto substanca e përkeqësojnë situatën dhe kanë efekte anësore.

Për më tepër, si alkoli edhe kafeina ju ofrojnë kalori të padëshiruara.

Pini shumë ujë gjatë ditës

Uji frenon kapriçot stresuese të stomakut që thërret për ushqim si pasojë e stresit dhe jo të urisë.

Për më tepër, sipas të dhënave të AgroWeb.org, uji promovon një sistem tretës të shëndetshëm.

Kujdes me nivelet e sheqerit në gjak

Gjatë situatave stresuese por jo vetëm, njeriu duhet të tregojë kujdes ndaj nivelit të sheqerit në gjak.

Përpiquni të konsumoni disa vakte ushqimore të vogla në vend të tre vakteve të mëdha.

Acidet yndyrore Omega-3

Sigurohuni që të konsumoni sa më shumë ushqime të pasura me acide yndyrore omega-3.

Salmoni, farat e linit dhe arrat janë ushqime ideale të pasura me këto acide yndyrore.

Këto të fundit përmirësojnë humorin dhe luftojnë inflamacionin në organizëm.

Kujdes me racionet

Nëse ju pëlqejnë ushqimet e shpejta, duhet të tregoni kujdes me racionet.

Në varësi të paketimit të ushqimit, AgroWeb.org sugjeron të konsumoni një racion të vetëm dhe më pas ta mbyllni me kaq.

Nëse vazhdoni të hani ushqim pa mendje, do të ndiheni më të stresuar.

Ushqimet me magnez

Ushqimet e pasura me magnez ndihmojnë në qetësimin e muskujve.

Drithërat e plota, panxhari, bishtajoret, perimet, arrorët dhe farat janë burime të shkëlqyera të magnezit.

Ato ofrojnë ndjesinë e ngopjes dhe frenojnë nepsin.

Kujdes me mënyrën e të ngrënit

Nëse vëreni se i nënshtroheni nepsit të nxitur nga stresi, përpiquni të kufizoni racionet, në mënyrë që të përqendroheni tek shija e ushqimit.

Më pas dilni për një ecje.

Çdo lloj aktiviteti fizik është shkencërisht i provuar si një mënyrë e shëndetshme për të trajtuar stresin.

AgroWeb.org ju rekomandon të tregoheni të kujdesshëm e të vëmendshëm ndaj mënyrës dhe sasisë së të ngrënit.

Një mënyrë se si të bëni këtë është që të mbushni frigoriferin dhe kuzhinën me ushqime të shëndetshme e jo të përpunuara./AgroWeb/

TË FUNDIT

ME TE LEXUARA

LEXO MË SHUMË

spital-infermiere-mjeke shendetesi

Çdo muaj nga 12 infermiere ikin nga Maqedonia e Veriut

matje

Një hartë e re e krenarisë mesatare mashkullore ka dalë! Ne askund nuk jemi

shtatzan

Ilaçi për humbjen e peshës mund të rrisë ndjeshëm ovulimin (FOTO)

Arra

Pesë lloje të ushqimeve që ulin nivelin e sheqerit në gjak

KAFE

A është më mirë të pini kafe të nxehtë apo të ftohtë?

qepe

Nëse hani një qepë në ditë

melqia

“Mini mëlçitë”, kura eksperimentale që mund të shpëtojë pacientët

iftar-ramazan

Si ndryshon trupi ynë gjatë 30 ditëve të Ramazanit dhe çfarë ndodh pas agjërimit

dush

A ndihmon dushi pas ngrënies në tretjen e ushqimit?

INFO

NA NDIQ