Në Festivalin Tradicional të Komedisë “Mittrixfest” ku garuan teatro të ndryshme nga Kosova, Shqipëria në mesin e të cilëve edhe Teatri i Kumanovës nga Maqedonia e Veriut të cilët në natën finale dominuan duke marrë çmimet më të rëndësishme me shfaqjen ” Fluturimi mbi teatrin shqiptar”, siç janë:
Shfaqja më e mirë – Teatri i Kumanovës
Aktori më i mirë – Shkëlqim Islami
Aktorja më e mirë – Egzona Salihu
Skenografia më e mirë – Ardian Kadriu
Në faqen zyrtare të këtij teatri thuhet: ” Ky sukses është një kënaqësi për të gjithë ekipin tonë dhe tregon përpjekjen dhe punën e palodhur të ekipit të teatrit në Kumanovë. Teatri i Kumanovës është një teatër që vepron në kushte të vështira, dhe këto çmime janë një vërtetim i vlerës së artit dhe angazhimit të ekipit tonë që e kanë bërë me shumë dashuri. Faleminderit të gjithëve për mbështetjen dhe faleminderit Festivalit në Mitrovicë për këtë vlerësim të madh. Ju falënderojmë për vlerësimet dhe do vazhdojmë të punojmë me dëshirë dhe pasion për teatrin dhe artin edhe në të ardhmen.
Gjithashtu, falënderojmë regjisorin Erson Zymberi që Teatri Shqiptar të Kumanovës i ka ofruar një shfaqje kaq të mirë dhe profesionale. Kontributi i tij në këtë projekt është i çmuar dhe ka ndihmuar në arritjen e këtij suksesi të madh”- thuhet në faqen e këtij teatri.
Shfaqja është realizuar nga regjisori Erson Zymberaj, ndërsa tekstin ‘’Fluturimi mbi teatrin shqiptar’’ e ka shkuar Jeton Neziraj. Në shfaqje luajnë edhe: Mirsad Abazi, Musa Isufi, Faton Ibrahimi. Organizator: Jakup Jakupi, Fidan Alili, inspicient: Gjilsime Ajdini Aziri, asistent: Ibër Deari, piano: Erdi Shahini, ndriçimi: Sefedin Murseli dhe Zvonimir Micevski, zërimi: Asllan Fazliu. Muzika: Irena Popovic, koreografia: Krenare Nevzati, skenograf: Ardian Kadriu kostumet: Yllka Brada. Shfaqja pati premierën më 17 korrik ndërsa është reprizuar disa herë në po këtë teatër./Portalb.mk
