Komuna e Tetovës është aktivizuar për ti dal në ndihmë rajoneve të goditura të Turqisë nga tërmeti shkatërrues që ndodhi në orët e hershme të mëngjesit të djeshëm.
Kryetari i komunës së Tetovës, Bilall Kasami ka përcjell ekipin e zjarrfikësve për fatkeqësi natyrore, duke theksuar e Tetova bashkëndjen dhimbjen e madhe që ka kapluar Turqinë.
“Në shenjë solidarizimi dhe mbështetje, një grup prej nëntë zjarrfikësve të licencuar për fatkeqësi natyrore nga Njësia Territoriale Kundër Zjarrit në Tetovë me mjete kundër zjarrit dhe atyre për kërkim shpëtim janë nisur për në Juglindje të Türkiye në ndihmë të popullit turk.
Tetova bashkëndjen dhimbjen e madhe që ka kapluar Türkiye-n!”, ka shkruar Kasami.
Komandanti i njësitit të zjarrfikësve në Tetovë, Avni Ameti ka bërë të ditur se një ekip prej 9 zjarrfikësish me dy automjete speciale do të shkojnë në Turqi në mision shpëtimi për njerëzit nën rrënoja. Ahmeti thotë se janë të specializuar në këtë fushë. (INA)
https://www.facebook.com/KasamiBilall/posts/727055572123758