Rreth orës 12.45 në pikën kufitare Deve Bair Maqedoni-Bullgari ka ndodhur shkelje e rendit dhe qetësisë publike nga tre shtetas bullgarë, të cilët fillimisht janë sjellë në mënyrë të pahijshme me fjalë më poshtëruese dhe më pas kanë tentuar të sulmojnë fizikisht punonjësit e policisë që po kryenin veprimet zyrtare, theksoi MPB.
Sot mbi 100 vetura dhe dhjetëra kamionë të rëndë janë të bllokuar në kufirin mes Bullgarisë dhe Republikës së Maqedonisë së Veriut ndërmjet pikëkalimeve kufitare “Gueshevë” dhe “Deve Bair”.
Qarkullimi është ndërprerë rreth orës 9 të mëngjesit të sotëm për shkak të një mosfunksionimi në sistemin e kontrollit të pasagjerëve dhe automjeteve, i cili është rikthyer pas orës 12:30 dhe qarkullimi ka vijuar të rrjedhë normalisht. (INA)
