Robert Lewandowski rezultoi golashënuesi më i mirë për sezonin 2022-2023 në La Liga me 23 gola (asnjë me 11-metërsh). Përveç kësaj, ai gjithashtu ngriti trofeun e kampionit me Barcelonën.
Që nga fillimi i kampionatit, sulmuesi polak ishte në krye të renditjes, ndonëse pas Kupës së Botës mesatarja e shënimit ra ndjeshëm.
Podiumin në këtë klasifikim e plotëson Joselu, i cili, pavarësisht rënies së Espanyolit, ka pasur një sezon të shkëlqyer me 16 gola të shënuar.
Përveç kësaj, galiciani ka fituar trofeun “Zarra” për golashënuesin më të mirë spanjoll, duke shënuar një gol më shumë se Borja Iglesias i Betisit.
Trofeu “Zamora” për portierin me më pak gola të pësuar i ka shkuar një lojtari tjetër të Barçës: Ter Stegen pësoi më pak se Oblak dhe Remiro, respektivisht i dyti dhe i treti në renditje.
Uzuni, golashënuesi më i mirë në LaLiga2
Me të njëjtin numër golash me Lewandowskin (23), Myrto Uzuni, sulmuesi i Granadës, ka arritur të fitojë “Pichichi” në Kategorinë e Argjendtë të futbollit spanjoll.
Në vend të dytë ishte Raúl (Mirandés), me 19 gola, kurse podiumin e mbyllën Bakis (Andorra) dhe Stoichkov (Eibar), të cilët shënuan nga 12 gola.
