Janë vërshuar pothuajse të gjitha zyrat e katit të dytë, dhomat e pacientëve të katit të parë, reparti dhe kontabiliteti, korridoret e katit përdhese, dhoma e pritjes deri tek ambulanta e ORL-së dhe një pjesë e hapësirave të bodrumit.
Dëmi do të vlerësohet në mënyrë shtesë njofton sot drejtori medicinal i Klinikës së toksikologjisë, Daniel Petrovski pas vërshimit të djeshëm. Të punësuar nga Klinika paraprakisht thanë se gjatë natës ka plasur një gyp i ngrohjes dhe se kjo është arsyeja për vërshimin e objektit. Sipas tyre hapësirat ishin nën ujë mbi dy orë ndërsa problemi është që klinika nuk është e siguruar. Megjithatë ministri i shëndetësisë, Ilir Demiri thotë se në kuadër të qendrës klinike Nënë Tereza ka shërbime, detyra e të cilave është që të kujdesen për dëme eventuale.
Qendra Klinike ka shërbime të përbashkëta për këtë, këtë e kanë detyrë primare, të kujdesen për Qendrën klinike dhe për dëmet që mund të shkaktohen. Nëse po flisni për dëmin nga gypi për ngrohje, kjo është sanuar që dje nga ana e shërbimeve të përbashkëta.
-Çfarë komenti keni për informacionet se klinika nuk është e siguruar?
Unë kam dërguar, kam dhënë urdhër, për mbikëqyrje inspektuese në atë institucion dhe po e pres arritjen e raportit”, tha Ilir Demiri, Ministër i Shëndetësisë.(tv21)
