Tina Turner, e cila vdiq në moshën 83 vjeç, krijoi shumë këngë me kombinimin R&B, funk, rok dhe pop.
Këngët kanë gjurmët nga historia e saj e marrëdhënies së trishtë me burrin e parë te rikthimi i fuqishëm në vitet 1980.
Disa prej këngëve të saj më të famshme:
1. River Deep, Mountain High
Tina gjeti suksesin me burrin e saj në vitin 1960 dhe një nga kryeveprat erdhi gjashtë vjet më vonë kur producenti Phil Spector kërkoi të punonte me të.
Kënga arriti në vendin e tretë në Britani.
2. Proud Mary
Kjo këngë bëri bujë në SHBA. Arriti në vendin e katërt dhe fitoi çmimin Grammy, shkroi BBC.
3. Nutbush City Limits
Muzika e këngës ishte kujtim nostalgjik nga fëmijëria e saj. Tri vjet pasi kjo këngë doli, Tina e la burrin e saj pas vitesh vuajtjeje nga abuzimi.
4. Let’s Stay Together
Tina filloi sërish dhe e ndërtoi veten si solo artiste pas ndarjes nga burri, Ike. Momenti kulmues i rikthimit të saj do të vinte kur takoi dy anëtarë të grupit elektro-pop Heaven 17.
5. What’s Love Got to Do With it
Ajo e çimentoi statusin si solo artiste me këtë këngë. Kjo i dha Tinës numrin një në listën e SHBA-së për të vetmen herë si e para dhe fitoi Grammyn.
6. Private Dancer
Pasi e realizoi këngën, Tina pati thënë se nuk e kishte kuptuar se ajo ishte për një punonjëse seksi.
“Kur isha me Iken, kur heshtja për të shmangur një argument, kur qëndroja me të pavarësisht se doja të largohesha, këtë mendoja kur e këndoja këngën, dhimbjen kur bën diçka që nuk do, çdo ditë”, ishte shprehur ajo duke thënë se secili e shet veten në një mënyrë.
7. We Don’t Need Another Hero
Kjo këngë u paraqit në filmin e Mel Gibronit “Mad Max Beyond Thunderdome”.
Ishte një hit tjetër, duke arritur në numrin dy në SHBA dhe duke marrë një nominim për Grammy dhe një çmim Ivor Novello.
8. The Best
Ishte e shkruar nga Bonnie Tyler, por mbeti hit i vogël. Më pas, Tina i shtoi një zë më të fuqishëm dhe u bë një nga këngët e saj më të famshme dhe himnet e dekadës.
9. Steamy Windows
Një tjetër këngë e fuqishme dhe feministe e Turnerit.
10. GoldenEye
Tingulli kryesor i James Bondit është jashtëzakonisht i rëndësishëm për çdo artist. Pas suksesit të Tinës në nominimin për Oscar, producentët e Bondit e thirrën atë për debutimin në 007.