Kryetari Bashkimit Demokratik për Integrim, Ali Ahmeti në takimin me qytetarët në Çegran të Gostivarit u ndal në zhvillimet brenda BDI-së, duke përcjell porosi për të ashtuquajturin “Grupin e Zjarrit.
“Unë kam luftuar edhe për mendim ndryshe. Imponime nuk ka. Duhet ti bindesh shumicës. Asnjëherë nuk kam sharë dhe jam hidhëruar me shqiptarë. Unë i kam thënë janë gabim dhe e kanë gabim. Mua nuk mund të më imponohen as ultimatume, as vija programore e platforma, sepse ato i vendos Kongresi dhe unë zbatoj vendimet e këtij institucioni partiak. Kështu që BDI kurrë më i fortë ska qenë dhe ekipe të tëra kanë punuar për vazhdimësi”, theksoi Ahmeti, përcjell INA.
“Dikush mund të thotë se edhe ti Ali Ahmeti duhet të ikësh, por unë jam kapedani i anijes dhe ai ikë i fundit. Komandanti i anijes nëse kërcen i parë ajo sështë përgjegjësi. Për mua nuk është shqetësuese dhe do të reflektojnë”, theksoi Ahmeti.
Sipas tij, temat kryesore për vendin janë NATO, BE dhe avancimi i shqiptarëve, dhe këtu s’ka skepticizëm.