Mediat shqiptare kanë informuar se sot nga mëngjesi ka rënë sistemi i kontrollit në të gjitha pikat e kalimit kufitar mes Maqedonisë së Veriut dhe Shqipërisë.
Prej orës 6 të mëngjesit të kësaj të shtune dhjetëra mjete kanë mbetur të bllokuara në doganën e Qafë-Thanës për shkak të një defekti në sistemin e përpunimit të të dhënave të palës së Maqedonisë.
Fluksi më i lartë i mjeteve është në dalje nga territori i shtetit shqiptar.
Pala e RMV-së po punon manualisht prej mëngjesit, ccfarë ka krijuar vonesa dhe radhë në pikën kufitare. E njëjtë është situata edhe në pikën e kalimit kufitar të Tushemishtit dhe Gorricës. Autoritetet e Kufirit ende nuk kanë njoftim nga pala maqedonase se kur pritet të riparohet defekti në sistem.(INA)
