Në sheshin “Skendernbeu” në Shkup kanë filluar të mblidhen protestuesit që do të marrin pjesë në marshin protestues për të ndjerin Rexhail Qerimi, i cili ndërroi jetë ditë më parë në burgun e Idrizovës, ku po vuante prej më shumë se 13 vitesh dënimin me burg të përjetshëm në rastin “Alfa”, shkruan gazeta LAJM.
“Të dashur bashkatdhetarë, ju njoftojmë se me datë 04.02.2022, të premten në ora 13:30 do të mblidhemi në sheshin “Skënderbeu” ku do ta fillojmë marshin në nder të Rexhail Qerimit dhe do të kërkojmë hetim ndërkombëtar në zyrat e BE-së për vdekjen e dyshimtë”, ka shkruar ne njoftimin e tij, vëllai i të ndjerit, Jetulla Qerimi.
