Ambasadori i Republikës së Shqipërisë në Maqedoninë e Veriut, Fatos Reka ka theksuar se Projekti “Korridori 8” është një nga projektet më të rëndësishme jo vetëm për Maqedoninë por për të gjithë rajonin.
Sepse sipas tij, ky korridor fillon nga brigjet e Iltalisë dhe përfundon në brigjet e Bullgarisë.
Përveç asaj, Reka në një intervistë për portalin “Indeks”, thotë se “Korridori 8” ka edhe rëndësi historike sepse ndjek trasenë e rrugës Egnatia, e cila është iniciuar nga Romakët e lashtë.
Ai shton se përveç rëndësisë ekonomike, “Korridori 8” ka rëndësi strategjike dhe shton se me këtë investim përmirësohet dukshëm infrastruktura rrugore, segment në të cilin sipas Rekës deri më tani ka çaluar i gjithë Ballkani Perendimor. Ambasadori shqiptar thotë se ndër pikat më të rëndësishme të këtij Korridori është lëvizja e lirë e qytetarëve po edhe mallrave. (INA)
