Qeveria e Maqedonisë së Veriut ka dhënë gjithsej 7,711,587 milionë euro vetëm për 19 aplikantë vitin e kaluar si kredi favorizuese për ndërtimin e projekteve për prodhimin e energjisë elektrike nga burimet e rinovueshme apo efiçencën e energjisë.
Kështu thuhet në raportin vjetor të Bankës Shtetërore për Zhvillim, e cila vitin e kaluar ka marrë 10 milionë euro nga Ministria e Financave për të dhënë kredi me kushte të favorshme për të gjithë ata që gjatë krizës energjetike kanë dashur të ndërtojnë impiante fotoelektrike apo impiante të biogazit për prodhimin e energjisë elektrike.energjisë.
Bëhet fjalë për një marrëveshje që është lidhur më 17 prill të vitit të kaluar ndërmjet Bankës për Zhvillim dhe Ministrisë së Financave përmes administrimit të një linje kredie prej 10 milionë eurosh për të ndihmuar kompanitë më të prekura të kapërcejnë më lehtë krizën energjetike.
Sipas të dhënave të Bankës për Zhvillim për vitin 2022, rezulton se mesatarisht numri i vogël i kompanive aplikante “të përzgjedhura” kanë marrë nga 406 mijë euro secila për të ndërtuar objekte energjetike për nevojat e veta.(INA)
