Shkruan: Fatos Rushiti
Fakti që pas 34 viteve demokraci Qeveria ndan para për projekte që prekin punë të domosdoshme për ujësjellës e gjera elementare për jetë është tregues i qartë se çfarë mendësie politike kemi pasur e si është qeverisur menaxhuar me paratë e qytetarëve. Kjo flet edhe për elita të korruptuara politike pa asnjë koncept zhvillimor për vendin! Edhe kjo Qeveri në një të ardhme të afërt duhet të bëjë të mundur kthimin e parave tek qytetarët e rrjedhimisht tek komunat përmes kthimit të TVSH-së deri 40 përqind si shumica e vendeve të zhvilluara perëndimore. Momentalisht TVSH nuk e kalon 7 përqindëshin dhe as taksat tjera disa komunave nuk u shpërndahen. Kjo duhet të ndodh që më vonë të mos biem në gjendje të tilla të mëshirës së Qeverisë ndaj komunave por që vetë komunat të kenë buxhet më të madh. Gjithashtu komunat duhet të kenë kompetenca më shumë sa i përket menaxhimit me pushtetin lokal. Kjo duhet të ndryshojë krahas asaj që shteti të mendojë për barazi kushtetuese ose elitat politike të gjejnë module të reja për bashkëjetesë në sfera shoqërore dhe shtetërore. E jo të luhet me balancuesin si mekanizëm teknik apo me ligjin për përdorimin e gjuhëve. Krejt panevojshëm dhe ngarkesë puro etnike për stadin që po kalon shteti në raport me integrimin në BE.
Qeveria dhe Kryeministri duhet që krahas investimit ekonomik të nxisin e të ndihmojnë modele ndërkulturore, arsimore, shkencore e sportive e jo të veprohet sipas tekave dhe interesave personale si rasti me Federatën e Futbollit. Nëse nuk ndodhin edhe këto investimet publike nuk do të kanalizohen si duhet dhe të kenë efekte të mira publike sidomos te komunat multietnike investimet e fundit qeveritare!
