Çdo i dyti i punësuar në Maqedoni është me kontratë në afat të shkurt kohor. Shumicës së të punësuarve nuk iu paguhet shtesa sipas përvojës dhe stazhit. Disa punëtorë madje detyrohen që k-15 ta kthejnë në kompaninë ku punojnë. Jo pak të tjerëve u paguhet çereku i mëditjes që ju takon kur punojnë të dielave. Iu mohohet e drejta e shfrytëzimit të 22 ditëve pune të pushimit vjetor. Këto janë vetëm disa nga gjetjet, për të cilat Lidhja e sindikatave ka tërhequr vërejtjet që të pamundësohen në praktikë me prurjen e Ligjit për marrëdhënie pune. Kritika të shumta ndaj Ministrisë për PPS ka nga LSM-ja, në debatin publik për propozim ligjin për marrëdhënie pune.
“Ajo çfarë na shqetëson më tepër është qëndrimi i MPPS që do të jetë në dëm të rreth 700 mijë të punësuarëve në sektorin publik dhe privat, heqja e marrëveshjeve kolektive. Përkatësisht, ato ujdi të aplikohen në kohëzgjatje të caktuar, pastaj dispozitat të zbatohen maksimumi 1 vit. Kjo dmth që punëtorët në sektorin publik dhe privat do ti humbasin të gjitha të drejtat që tu paguhet shtesa sipas përvojës dhe stazhit, mëditjet që ju takojnë kur punojnë të dielave dhe festave apo puna pas orarit. Duan që ta minojnë sindikatën dhe ti shkelin të drejtat e punëtorëve dhe ti ngritin punëdhënësit në pozita”, tha Slobodan Trendafilov, Lidhja e Sindikatave të Maqedonisë.
Kërkesa e Sindikalistëve është që marrëveshjet në afat të caktuar mos të rilidhen pas çdo muaji për mos t’i mbajtur punëtorët në situata të pasigurta, por të jetë më së shumti 3 herë për periudhën që do caktohet. Sindikatat kërkojnë një vit, punëdhënësit kërkojnë 3 vjet, kurse MPPS kërkon të gjej një mes që të jetë maksimumi dy vjet.
“Vlerësojmë që ndryshimet do të pengojnë punëdhënësit ta keqpërdorin të punësuarin në bazë të arsyetimit si tepricë teknologjike që ti nxjerrin nga puna ata në moshë.. Në fakt tu bëjmë që këto përjashtime tu kushtojnë më shtrenjtë se sa ti mbajnë në punë. 40 vërejtje tjera jetike janë dorëzuar te MPPS, presim prej tyre shqyrtim të arsyeshëm në detaje, ne do të marrim pjesë në të gjitha debatet publike dhe me ekipet tona do të alarmojmë opinionin. Deri më tani ujdia ishte që të diskutojmë në nivel të grupeve të punës, diku më zëshëm e diku më pak”, u shpreh Sllobodan Trendafilov, Lidhja e Sindikatave të Maqedonisë.
Sipas pritjeve, këto ndryshime ligjore procedurat parlamentare duhet t’i kalojnë në pranverë, për të hyrë në fuqi para hapjes se kapitullit përkatës në maj në negociatat e anëtarësimit me BE-në. Nga Ministria mbeten në qëndrimin që do të unifikojnë të gjitha kërkesat e sindikalistëve dhe të punëdhënësve për të gjetur një kompromis të qëndrueshëm që do të jetë i plotfuqishëm me ligj.
