Prokuroria nuk gjeti prova fajësie te ish-kreu i Policisë Financiare (UFP), Arafat Muaremi.
Ai u lirua pas denoncimeve të qytetarëve anonimë për marrjen e shpërblimit për ndikim të kundërligjshëm, për çka ish-kryetarja e Prokurorisë për krim të organizuar dhe korrupsion, Vilma Ruskovska, urdhëroi kontrollin e policisë financiare.
Më 18 korrik të vitit të kaluar, pas një informate anonime të një qytetari, u krye kontrolli i policisë dhe dyshimet ishin se sendet mbaheshin në një sirtar për të cilin Muaremi mori ryshfet. Në deklaratën e publikuar nga prokuroria më 9 qershor, thuhet se fillimisht janë sekuestruar 35 gjësende. Muaremit i është marrë një USB dhe një kompjuter.
“Nga ekspertiza e dorëzuar dhe analiza e përmbajtjes së pajisjeve kompjuterike të konfiskuara, është konstatuar se dokumentet dhe të dhënat kompjuterike nuk kanë asnjë lidhje me subjektin konkret. Nuk kishte dyshim të arsyeshëm se i pandehuri, duke përdorur ndikimin e tij real ose të supozuar, ka bërë shkelje ligji””, thuhet në njoftimin e prokurorisë.
Ish-kryetarja e Prokurorisë për Ndjekjen e Krimit të Organizuar dhe Korrupsionit, Ruskovska, hapi hetimet pas një raporti anonim dhe urdhëroi bastisje. Mirëpo, prokuroria publike e Ljubomir Joveskit ka regjistruar lëshime në bastisje sepse në këtë rast ka mundur të veprojë vetëm Departamenti i Specializuar për ndjekjen e krimeve të kryera nga persona me kompetenca policore.
Pas kësaj, Muaremi ka bërë kallëzim penal kundër Ruskovskës, por edhe ndaj dy prokuroreve Ivana Trajçeva dhe Elizabeta Josifovska të cilat janë përfshirë në hetim. Në ndërkohë Ruskovska u suspendua, më pas u shkarkua nga posti i kryesisë së prokurorisë dhe Muaremi dha dorëheqjen.
Prokuroria sot e ka pushuar kallëzimin penal të dibranit, i cili ishte prekur nga moszbërthimi i lëndëve, ndaj ka ngritur kallëzim penal ndaj drejtorit dhe një inspektori të policisë, të cilat ishin për veprat penale të “Shpërdorim i pozitës dhe autoritetit zyrtar”, “ngacmim në kryerjen e shërbimit” dhe “dhunë dhe marrje ryshfeti”.(INA)
