Në një intervistë në kanalin Twitch të Gerard Romero, ‘Jijantes’, Ivan Rakitic ka kujtuar kohët kur ka luajtur për Barcelonën. Mesfushori kroat, i cili aktualisht luan për Al Shabab, ka folur për disa nga netët më të këqija evropiane në epokën e tij katalanase.
“Nëse do të mund të ktheheshim pas në kohë, jam i sigurt që të gjithë lojtarët do të përfshiheshin më shumë në ato ndeshje”,- tha kroati kur u pyet për humbjet e famshme të Barcelonës kundër Romës, Liverpoolit dhe Bayernit në Champions League. “Ne mund të kishim fituar edhe dy ose tre Champions League”.
Kur kujton tre ‘fatkeqësitë’ evropiane të përmendura, Rakitic pranoi se, ndër tre, ajo që i kushtoi më shumë ishte eliminimi ndaj Romës, në çerekfinale të Champions League në sezonit 2017/18 (4-4 në total, por me një avantazh për romakët në golat jashtë).
“E mbaj mend shumë atë ndeshje në Romë, për mua ishte më e keqja. Ne e konsideruam lojën të humbur, kjo ishte në thelb. Kur nuk je shumë i përfshirë, ndodh, ishte faji ynë”, ka shpjeguar Rakitic.
