Kandidati për president Stevo Pendarovski, dje në mbrëmje, në duelin e parë televiziv, ishte cak i sulmeve dhe ofendimeve nga kundërshtarja Gordana Siljanovska Davkova, e mbështetur nga VMRO-DPMNE.
Në mungesë të përgjigjes për pyetjet dhe temat më të rëndësishme, Siljanovska vazhdimisht e ofendonte Pendarovskin, fliste me ton të lartë dhe publikonte informacione të rreme dhe të pavërteta.
“Pas konstatimit e Pendarovskit se ajo kishte informacione se çfarë po ndodhte brenda partisë politike BDI dhe se informacionet mund t’i kishte marrë përmes përgjimeve, Siljanovska akuzoi Pendarovskin se ai gjatë gjithë jetës së tij ka qenë punonjës i Ministrisë së Punëve të Brendshme. Në pamundësi për t’iu përgjigjur replikës, se si ajo ka informacione se në BDI janë dy rryma, një për bojkotimin e zgjedhjeve, dhe një kundër, me ton të lartë i ka uruar Pendarovskit “TË VDISNI TË PAKTËN SI NJË BURR”.
Fyerjet nuk kanë munguar kur dy kandidatët kanë folur për ndryshimet në kodin penal.
“Ishit në sallë dhe votuat kundër kodit penal, por nuk dolët jashtë të dëgjoni kuorumin që duhej që partitë qeveritare të miratonin ligjin. Pse qëndrove brenda? Si për disa gjëra të tjera keni mundur të qëndroni jashtë. Jo ju dhe grupi parlamentar i VMRO-DPMNE-së. psh si ka mundesi qe te mos votoni strategjine per barazi gjinore, psh nuk keni qene fare dhe per kete keni qene dhe keni votuar kunder, pra ju beni kuorum atyre qe sollen keto ndryshime në KP. Ky është fakt”, tha Pendarovski.
Për këtë Siljanovska Davkova, duke mos pasur argumente për t’iu përgjigjur, ofendoi se Pendarovski ishte student i dobët dhe për këtë gjoja hakmerrej. Pendarovski u përgjigj se ai ishte student me mesatare të lartë dhe për këtë ka doktoruar dhe ka pasur karrierë akademike.
Përveç që Siljanovska Davkova mbrëmë vazhdimisht e ofendoi Pendarovskin, ajo nuk u distancua nga sulmet e Hristijan Mickoski, partia e të cilit, VMRO – DPMNE, qëndroi pas kandidaturës së saj.(INA)
