Ende nuk ka njoftim se kur do të mbahet takimi midis kryeministrit, Dimitar Kovaçevski dhe kryetarit të VMRO-DPMNE-së Hristijan Mickoski, ku temë debati do të jenë ndryshimet kushtetuese dhe rrugëtimi evropian.
Pavarësisht kësaj, Kovaçevski dhe Mickoski tashmë kanë shprehur publikisht qëndrimet e tyre për procesin e integrimit evropian dhe ndryshimet kushtetuese.
Kovaçevski si tema i propozoi vendimet e nevojshme për integrimet evropiane të shtetit dhe për marrëdhënie të mira fqinjësore, Mickoski i pranoi, por gjithashtu konsideron se duhet të diskutohet se çfarë do të ndodhë pas dështimit të amendamenteve kushtetuese. VMRO-DPMNE gjithashtu beson se nëse ndryshimet kushtetuese dështojnë, zgjedhjet duhet të mbahen në vjeshtë.
“Zgjedhjet në vend përcaktohen sipas ligjit dhe Kushtetutës. Zgjedhjet presidenciale janë në gjysmën e dytë të marsit, zgjedhjet parlamentare janë në gjysmën e dytë të qershorit. Ne vazhdimisht flasim për shtetin e së drejtës, respektimin e ligjeve, sundimin e demokracisë. Sundimi i demokracisë dhe respektimi i ligjeve është që zgjedhjet të bëhen kur të jetë koha për to, siç bëjnë praktikisht të gjitha vendet evropiane”, theksoi kryeministri Kovaçevski.
Lidhur me atë se a është optimist se procesi do të jetë i suksesshëm, kryeministri tha se vitin e kaluar ka thënë se është një optimist racional dhe se po punon për të arritur qëllimin për t’u anëtarësuar në BE.
Në pyetjen se çfarë nëse nuk ndodhin ndryshimet kushtetuese, Kovaçevski thotë se “do të kemi të njëjtën gjë që kemi pasur nga viti 2006 deri në vitin 2016”.
“Në vend të integrimit do të kemi izolim dhe e kemi parë se si duket izolimi. Pa infrastrukturë, shtet të robëruar, liri mediatike, ne ishim në vendin e 130-të, tani jemi të 38-të në botë, shteti ligjor, i karakterizuar si regjim hibrid, sot mediat kanë kërcyer 19 vende për një vit”, tha kryeministri Kovaçevski.
Kryetari i VMRO-DPMNE Mickoski informon se për takimin e liderëve të paralajmëruar nga kryeministri Kovaçevski, nuk ka ftesë zyrtare për takim, as nuk dihet as agjenda dhe as formati i takimit të mundshëm.
Mickoski tregoi se e rëndësishme që duhet të diskutohet në atë takim është që pas dështimit të ndryshimeve kushtetuese, të cilat, siç tha ai, është gjithnjë e më e pasigurt se nuk do të ndodhin, sepse grupi i deputetëve të VMRO-DPMNE-së dhe koalicioni nuk do t’i mbështesë.
“Ajo që është e rëndësishme të thuhet është se nëse nuk kalojnë ndryshimet kushtetuese, të cilat janë paraparë nga qeveria e BDI-së e mbështetur nga LSDM-ja. Kjo është shumë e rëndësishme të thuhet dhe duhet të shohim se çfarë plani po shkon përpara, sepse ne nuk mund ta mbyllim vendin, nuk mund ta mbyllim Maqedoninë dhe të mos dimë se çfarë do të ndodhë nëse dështojnë. Dhe ka gjithnjë e më shumë gjasa që ata të mos kenë sukses. Nëse ata tashmë shpallin se do të hyjnë në procedurë parlamentare, kjo është një pjesë e planit, por nëse dështojnë dhe është më e sigurt se nuk do t’ia dalin sepse ne si koalicion, si VMRO-DPMNE, deputeti ynë, grupi nuk do t’i mbështesë ata. Çfarë të bëjmë më pas? Mendoj se duhet të diskutojmë edhe këtë, por fillimisht të presim, të udhëzojmë se cili do të ishte formati, ku do të ishte vendi, ora, dita. Praktikisht nuk kemi gjë tjetër veç deklaratave publike të Dimitar Kovaçevskit”, theksoi Mickoski.(INA)
