23:10 – Gazeta prestigjioze britanike“The Guardian” raporton se Shteti Islamik ka marrë përgjegjësinë për sulmin e sotëm në periferi të Moskës.
Në deklaratën e plotë të postuar në llogarinë e saj në Telegram thuhet se “luftëtarët e ISIS sulmuan një grumbullim të madh të krishterëve në qytetin Karsnogorks në perfieri të Moskës”
Pas sulmit, sipas këtij njoftimi, sulmuesit kanë menaxhuar të ikin dhe kthehen në bazat e tyre të sigurta.
“Luftëtarët e Shtetit Islamik sulmuan një grumbullim të madh të të krishterëve në qytetin Krasnogorsk në periferi të kryeqytetit rus, Moskë, duke vrarë dhe plagosur qindra dhe duke shkaktuar shkatërrime të mëdha në vend përpara se të tërhiqeshin në bazat e tyre të sigurta”, thuhet në njoftimin e tyre në telegram.
Këshilltari i Zelenskyt: Ukraina s’ka gisht në sulmin në Moskë
Mykhailo Podolyak, këshilltar i presidentit të Ukrainës Volodymyr Zelensky, ka thënë se Ukraina nuk ka gisht në sulmin që ka ndodhur të premten mbrëma në Moskë.
Disa persona të armatosur kanë shtënë mbi turmën e njerëzve në një sallë koncertesh në Moskë, duke vrarë të paktën 40 persona, sipas raportimeve në Rusi. Mbi 100 persona dyshohet të jenë plagosur e objekti është duke u djegur.
“Të jemi të qartë, Ukraina absolutisht nuk ka të bëjë asgjë me këto ngjarje”, ka shkruar ai në Telegram.
VIDEO/ 40 të vrarë dhe mbi 100 të plagosur në një sulm në Moskë
Autoritet ruse kanë raportuar se rreth 40 njerëz janë vdekur dhe më shumë 100 u plagosën, në një sulm Moskë.
Sulmi që ndodhi në një sallë koncertesh është më vdekjeprurësi në Rusi në vitet e fundit.
Sipas raportimeve, rreth pesë persona të armatosur të veshur me veshje kamuflazhi hapën zjarr me armë automatike ndaj njerëzve në “Crocus City” Hall pranë Moskës, duke lënë një numër njerëzish të vdekur dhe të plagosur, treguan pamjet video nga vendi i ngjarjes.
Në një video të postuar në mediat sociale, burrat me armë automatike u shfaqën duke qëlluar vazhdimisht në drejtim të civilëve që bërtisnin, duke përfshirë gra, të cilët ishin strukur poshtë asaj që dukej si një shenjë hyrëse në “Crocus City Hall”.
Mediat ruse raportuan për një shpërthim të dytë në vend dhe kishte raporte se disa nga personat e armatosur ishin barrikaduar diku në ndërtesë.
