Ish-presidenti Trump, ka paralajmëruar “vdekje dhe shkatërrim” nëse ai akuzohet nga prokuroria e Nju Jorkut për ryshfetin e dhënë, yllit të filmave porno në vitin 2016, për të heshtur për një skandal që mund t’i shkatërronte fushatën presidenciale.
Komenti i Trump vjen gati një javë pasi ai pretendoi se do të arrestohej në lidhje me rastin dhe u kërkoi mbështetësve të tij të protestonin.
“Çfarë lloj personi mund të akuzojë një person tjetër, në këtë rast një ish-President i Shteteve të Bashkuara, i cili ka marrë më shumë vota se çdo president në histori në detyrë dhe kandidat kryesor për nominimin e Partisë Republikane, për një krim? Kur dihet nga të gjithë se nuk është kryer asnjë krim dhe dihet gjithashtu se vdekje dhe shkatërrim mund të vijë nga një akuzë kaq e rreme dhe që mund të jetë katastrofik për vendin tonë?”, shkroi Trump në platformën e tij “Truth Social”.Ish-presidenti, i cili kandidon sërish për Shtëpinë e Bardhë në vitin 2024, ka kritikuar vazhdimisht Prokurorin e Qarkut të Manhatanit, Alvin Bragg, i cili drejton hetimin e ndaj tij.
Trump postoi edhe një foto të tij duke mbajtur një shkop bejsbolli në njërën anë dhe një foto të Bragg në anën tjetër./euronews
