Kandidati për president i LSDM-së dhe kryetar i tanishëm i shtetit, Stevo Pendarovski në takimin me banorët e Zhelinës ka theksuar. se qytetarët në zgjedhjet e ardhshme do të zgjedhin mes dy koncepteve.
Një koncept, sipas Pendarovskit, parasheh shtet pa konflikte ndëretnike, ndërsa tjetri rrezik për ndarje dhe tensione.
Ai theksoi se në pesë vitet e fundit është përpjekur të jetë korrigjues i pushtetit ekzekutiv dhe ka theksuar se çdo president i vendit duhet të veprojë kështu.
“Ka dy koncepte para jush që nuk janë aspak të afërta. Unë dhe opsioni im jemi për një Maqedoni të tillë siç e kemi me mirëkuptim, me respekt të ndërsjellë, pa konflikte ndëretnike, opsioni tjetër është rrezik për ndarje dhe tensione, opsion me të cilin sigurisht që nuk do të përparojmë”, ka thënë Pendarovski.
Ai shprehu besimin se shumica e votave që përfunduan me kandidatët që u eliminuan në raundin e parë, do të përfundojnë me të në raundin e dytë “sepse qytetarët e njohin se kush punon në interesin e tyre”.
Pendarovski kërkoi nga banorët e Zhelinës mbështetje në raundin e dytë, në mënyrë që, siç tha, shteti të vazhdojë në rrugën e duhur, në rrugën e bashkimit, harmonisë dhe përparimit drejt Bashkimit Evropian.(INA)
