Kryetari i VMRO-DPMNE-së, Hristijan Mickoski sot sërish përsëriti se partia që përfaqëson ai kërkon zgjedhje të parakohshme parlamentare.
“Është përgjegjësi sa më parë të ketë zgjedhje të parakohshme pasi shteti po mbytet në krizë ekonomike dhe nga pandemia me KOVID, njerëzit po e humbin jetën, kriza energjetike është duke trokitur në derë, arsimi është katastrofal, ndërsa deficiti buxhetor për vetëm 40 ditë është më shumë se 11,2 miliardë denarë”, tha kreu i VMRO-DPMNE-së, Hristijan Mickoski.
Mickoski tha se vendi nuk regjistron progres në asnjë sferë.
“Nuk mund ta ndaj asnjë parametër që na çon në drejtim të drejtë. Prandaj, është e përgjegjshme të kemi zgjedhje të parakohshme dhe do ta përsëris këtë se derisa politikanët në Qeveri nuk vetëdijesohen dhe nuk dalin që të shohim si është besimi i popullit”, theksoi Mickoski pas vizitës në Gjorçe Petrov.