Bashkësitë fetare kritikohen se “u shërbejnë” partive

Picture of INA
INA

06/05/2024

Bashkësitë fetare në Maqedoninë e Veriut janë përfshirë në debatin e partive për ndërhyrje në fushatën elektorale për zgjedhjet presidenciale dhe parlamentare, që do të mbahen më 8 maj.

Gjatë fjalimit për Festën e Pashkëve, të dielën, peshkopi Petar i Kishës Ortodokse Maqedonase (KOM) është përqendruar në zgjedhjet e ardhshme, duke i ftuar votuesit jo vetëm të votojnë, por edhe të kenë “kujdes” se për cilën parti apo kandidat do të japin votën e tyre.

Akuza për ndërhyrje në procesin zgjedhor ka pasur edhe ndaj Bashkësisë Fetare Islame. Opozita shqiptare ka thënë se ajo bën “propagandë” në mbështetje të partisë shqiptare në pushtet, Bashkimi Demokratik për Integrim.

Bazuar në dispozitat kushtetuese, Maqedonia e Veriut është shtet sekular dhe feja është e ndarë nga shteti.

Në nenin 19 të Kushtetutës thuhet se “Kisha Ortodokse Maqedonase, bashkësitë tjera fetare dhe grupet fetare janë të ndara nga shteti dhe janë të barabarta para ligjit”.

Aty thuhet, po ashtu, se “Kisha Ortodokse Maqedonase, bashkësitë e tjera fetare dhe grupet fetare janë të lira të themelojnë shkolla fetare dhe institucione shoqërore e bamirëse, me procedura të parapara me ligj”.

Peshkopi Petar i Kishës Ortodokse Maqedonase, në meshën e Pashkëve, i ka porositur kandidatët për president shteti dhe ata për deputetë në Parlamentin e ri që “të mos i neglizhojnë vlerat shpirtërore, kulturore dhe kombëtare”.

Ai ka kërkuar nga qytetarët që të kenë kujdes se kë votojnë në zgjedhjet e ardhshme, në mënyrë që, siç ka thënë, “të mos ndodhë që i verbëri ta udhëheqë të verbrin”.

“Qytetarët, veçanërisht ata të besimit ortodoks, duhet ta kenë gjithmonë parasysh që të votojnë dhe të zgjedhin përfaqësues dhe drejtues që dallohen nga vlerat morale. Ata duhet t’i përmbushin premtimet e tyre, që mashtrimi i dytë të mos jetë më i keq se i pari”, ka deklaruar Petar.

Ai ka thënë se është në dorën e votuesve që të zgjedhin mes të mirës dhe të keqes apo mes “Zotit dhe djallit”.

“Vendimi është vetëm yni. Prandaj, le të bëjmë një zgjedhje reale midis së mirës dhe së keqes, midis Zotit dhe djallit, pranimit të së mirës dhe Zotit dhe refuzimit të së keqes dhe djallit. Nëse e bëjmë këtë zgjedhje, do të jemi vërtet të lirë, sepse nuk do të jemi skllevër të së keqes dhe djallit”, ka thënë peshkopi Petar.

Edhe pse nuk ka përmendur ndonjë emër apo parti politike, peshkopi në opinion është i njohur për qëndrimin e tij në mbështetje të opozitës maqedonase, ndërsa në vazhdimësi ka thënë se Kisha nuk e cenon laicizmin nëse klerikët i shprehin pikëpamjet e tyre politike.

Në anën tjetër, Arben Taravari, ish-kandidat për president dhe një nga drejtuesit e koalicionit opozitar shqiptar VLEN, ka thënë se Bashkësia Fetare Islame (BFI) duhet t’i japë fund agjitacionit në favor të BDI-së, pasi, sipas Taravarit, pas zgjedhjeve më 8 maj, ky institucion fetar “do të pastrohet dhe do t’i kthehet dinjiteti fetar që duhet ta ketë”.

“Kanë bërë staf në kuadër të BFI-së, i cili punon në mënyrë speciale për BDI-në. Unë u bëj thirrje hoxhallarëve të Gostivarit që të mos bien pre e instruksioneve që u jep kryetari i BFI-së, i cili botërisht dihet se është instrument i një partie. Pas zgjedhjeve, BFI-ja do të jetë institucioni i parë që duhet të pastrohet, që t’i kthehet morali dhe dinjiteti”, ka deklaruar Taravari në një prononcim për mediat.

Nga Bashkësia Fetare Islame nuk kanë folur për akuzat e tilla, duke thënë se “nuk komentojnë deklarata të partive politike”.

Vllado Dimovski, nga Qendra për Tolerancë Ndëretnike, thotë për Radion Evropa e Lirë se në Maqedoninë e Veriut – si shtet me popullatë të përzier etnike dhe fetare – duhet pasur shumë kujdes gjatë shprehjes së qëndrimeve që mund të nxisin pakënaqësi apo mosdurim etnik a fetar.

Në rastin e bashkësive fetare, ai thotë se gjëja kryesore që duhet të bëjnë drejtuesit e tyre, është që të respektojnë Kushtetutën, e cila qartë përcakton karakterin sekular të shtetit.

“Priftërinjtë dhe hoxhallarët bëjnë mirë që të mos përzihen në politikë, ashtu sikur edhe politikanët që nuk guxojnë ta keqpërdorin fenë për qëllimet e tyre politike. Në Maqedoninë e Veriut ka një harmoni ndërfetare. Njerëzit e respektojnë besimin e njëri-tjetrit dhe kështu duhet të jetë. Partitë nuk kanë se çfarë kërkojnë në institucionet e besimit”, përfundon Dimovski./REL/

TË FUNDIT
21 sekonda
Mexhiti: Nga 18 deputetë të Frontit, 3-4 deputetë me një këmbë janë pjesë e shumicës së re
1 min
Paradite mot me diell, pasdite shi i rrëmbyeshëm lokal dhe bubullima
8 orë
Arben Taravari: Ta mbështesim fuqishëm Muharrem Salihun për eurodeputet
10 orë
Geer: Qeveria e re ta vazhdojë rrugën europiane të vendit
10 orë
Visar Ademi: Për fat të keq në 20 vitet e kaluara politikanët shqiptarë më tepër kanë shikuar llogaritë e tyre bankare se sa të drejtat tona

ME TE LEXUARA

17 orë
Ahmeti: Nuk ka arsye për të shkarkuar Artan Grubin, Fatmir Besimin e Nazim Bushin nga postet partiake
11 orë
Ministria e Drejtësisë: Dënojmë gjuhën denigruese të VMRO-së ndaj institucioneve shtetërore
20 orë
Kasami: Fronti Evropian të luaj rol konstruktiv në opozitë
17 orë
Ja në cilat komuna të Maqedonisë së Veriut do të ketë zgjedhje të parakohshme komunale
10 orë
Visar Ademi: Për fat të keq në 20 vitet e kaluara politikanët shqiptarë më tepër kanë shikuar llogaritë e tyre bankare se sa të drejtat tona
20 orë
LLoga: Dhuna e numrave nga komuniteti shumicë në Maqedoninë e Veriut ka dhuruar vetëm pasoja për shqiptarët
17 orë
Memetin s’mund ta shkarkojnë, por e sugjerojnë: Të mos marrë pjesë në punën e Këshillit të Prokurorëve derisa zgjat procedura kundër tij

LEXO MË SHUMË

Izet Mexhiti

Mexhiti: Nga 18 deputetë të Frontit, 3-4 deputetë me një këmbë janë pjesë e shumicës së re

Moti_26-780x470-1

Paradite mot me diell, pasdite shi i rrëmbyeshëm lokal dhe bubullima

IMG_2555

Arben Taravari: Ta mbështesim fuqishëm Muharrem Salihun për eurodeputet

dejvid daviv gir geer

Geer: Qeveria e re ta vazhdojë rrugën europiane të vendit

IMG_2550

Visar Ademi: Për fat të keq në 20 vitet e kaluara politikanët shqiptarë më tepër kanë shikuar llogaritë e tyre bankare se sa të drejtat tona

Ministria-e-Drejtesise_1-780x470-1

Ministria e Drejtësisë: Dënojmë gjuhën denigruese të VMRO-së ndaj institucioneve shtetërore

qeveria-750x430

Qeveria e re do të shtohet me ministri të reja

vmro

VMRO-DPMNE: Kacarska ka lënë një faqe të zezë në historinë e Gjykatën Kushtetuese

vlen gashi kasami mexhiti taravari

VLEN do të shndërrohet në një parti politike?! Kush do të jetë kryetar i partisë?

INFO

NA NDIQ