Sezoni i parë i Romeo Lavias me Çellsin ka përfunduar me vetëm 32 minuta në fushë, pas transferimit që u krye në verë për 62 milionë euro. Ai pësoi një dëmtim të dytë gjatë procesit të riaftësimit të tij nga një lëndim në kofshë. Lavia ka vetëm një paraqitje këtë sezon në Premier Ligën ndaj Kristall Pallatit në pjesën e dytë në “Stemford Brixh” në dhjetor.
Mesfushori debutoi në këtë ndeshje pasi kapërceu një problem me lëndimin, por më pas ai pësoi një dëmtim serioz në kofshë. Të enjten erdhi konfirmimi se ai do të humbasë pjesën e mbetur të sezonit pas një dëmtimi tjetër. Belgu zgjodhi Çellsin përpara Liverpullit kur u largua nga Sautemptoni në verë, duke nënshkruar një kontratë shtatëvjeçare.
Çellsit i ka kushtuar rreth 2 milionë euro për minutë të luajtur këtë sezon, por paratë e investuara në të do të mund të nxjerrën në vitet në vijim, pasi belgu është i ri dhe me plotë talent.
