Kreu i Lëvizjes BESA i udhëhequr nga Bilall Kasami kanë vizituar Drenicën, për nderim të luftëtarëve të UÇK-së. Ai ka qëndruar në odën e kullës së Xhevdet Krasniqit.
Lidhur me këtë vizitë ka informuar nënkryetari i Lëvizjes BESA, Fatmir Limani, që ka postuar një njoftim në rrjetet sociale:
KULLA E XHEVDET KRASNIQIT ( mik – dhëndërr i Adem Jasharit )
Dikur, dikush tha:
– Është e vështirë të rrish në “Odën e Burrave..” !
Tjetri i riktheu:
– Në “Odë të Burrave” është e lehtë të hyshë, por në Odë me Shejtana është e vështirë të rrishë” (.., odat e këtilla u’a kemi lënë të pafytyrëve) !!!
Traditë e përcjellur brez pas brezi te familjet që kanë për “fis” pushkën dhe besën.
Bashkë me Bilall Kasami, Adnan Azizi, Daut Rexhepi “Leka”, Nuredin Fetau “Luli”, Xhemal Bajrami të ftuar në konakun e Xhevdet Krasniqit, dhëndërr (nga vajza) i Adem Jasharit, i cili bashkë me familjen na mblodhi në sofrën e shtruar dhe përgatitur nga duarët e pasardhësve të heronjve të pavdekshëm dhe të lavdishëm të kombit tonë.
Shpalosje kujtimesh, veprimtarie, trimërie, sakrifice, historie.., por edhe shtet’ndërtimi mbi bazën e parimit dhe pranimit të të mirit, të aftit, të diturit, profesionistit, të sinqertit..
Mirënjohje pasardhësit Lulzim Adem Jashari, Shqipe Jashari Krasniqi (për bukën e gatuar), Xhevdet Krasniqi, Safet Krasniqi, Arben Vitia, Amet Zabeli, Abedin Gashi, Naim Bardiqi dhe Emrush Haxhiu.
Me këtë rast na u dhurua statuja e legjendës së kombit Adem Jashari, e cila bëhet pjesë e Kullës Muze “Liria”.
*Ps: Kushdo që përpiqej të shkatrrojë e përçajë familjet e kombit do të mbetet i dështuar sepse gjaku i derdhur na bashkon edhe më fuqishëm, për të realizuar amanetet e të përjetësuarve për çlirim, liri e bashkim kombëtarë.