Real Madridi mposhti mbrëmë Liverpoolin me rezultat të thellë prej 2-5.
Ndonëse ishin të parët që shënuan dy herë, madrilenët përmbysën gjithçka, duke ia pamundësuar kështu anglezëve që të hakmerren për finalen e vitit të kaluar, në të cilën Reali e mposhti Liverpoolin me rezultat 0-1.
Pas finales, ishte trajneri i Liverpoolit, Jurgen Klopp, i cili iu sugjeroi tifozëve që të rezervonin biletat për finalen e këtij viti në Champions League.
“Ku luhet sezonin tjetër? Stamboll? Rezervoni hotelin”, deklaronte Klopp, transmeton Klankosova.tv.
Kualifikimi i Liverpoolit për fazën tutje pritet të jetë shumë i vështirë, pasi duhet që ta mposht Realin në Santiago Bernabeu me një dallim prej tri golave.