Me propozimin e fundit të VMRO-DPMNE për Qeveri pa BDI-në, si duket do të vendoset në pikëpyetje se a do të bëhet ose jo kryeministri shqiptar, një ide e BDI-së që më pas u shndërrua në marrëveshje vetëm politike me LSDM.
Por lidhur me këtë, nënkryetari i BDI-së, Arbër Ademi deklaroi për TV21 se kjo ide nuk bie poshtë dhe se nuk ka të bëjë me kërkesën e VMRO-DPMNE-së.
Sipas tij, formimi i Qeverisë gjithëpërfshirëse për votimin e ndryshimeve kushtetuese nuk ndërlidhet me marrëveshjen që në 100 ditët e fundit të kësaj Qeverie kryeministri të jetë shqiptar, që i bie se fillimisht do të duhet të kemi qeveri të zgjeruar për ndryshime kushtetuese dhe për të caktuar zgjedhje të reja dhe pastaj qeveri teknike me kryeministër shqiptar.
“Ajo është marrëveshje politike që është pranuar nga të gjitha palët të cilët kanë arritur atë marrëveshje, por për këto zhvillimet e fundit po them se brenda partisë jemi në takime dhe konsulta permanente me miqtë tanë ndërkombëtarë. 100 ditëshi nuk ka të bëjë me një Qeveri e cila mund eventualisht të formohet pas hyrjes në fuqi të ndryshimeve kushtetuese”, deklaroi për TV21, deputeti Ademi.
