shkruan: Muhamer Pajaziti
Do votojnë qindra e mijëra prindër që fëmijët e tyre ikën nga zori për një jetë më të mirë në Gjermani;
Do votojnë rreth 40 mijë familje sociale në varfëri ekstreme me të ardhura minimale (nga 4 mijë deri në 10 mijë denarë në muaj);
Do votojnë qindra e mijëra administratorë që paga s’ju del as për rrugë e një gjevrek me jogurt;
Do votojnë qindra e mijëra familje që marrin një rrogë mesatare që s’ju del as për t’i paguar faturat e shtëpisë;
Do votojnë penzionerët që të ardhurat qesharake s’ju dalin as për barna, për t’a mbajtur gjallë shpirtin;
Do votojnë edhe mësuesit e arsimtarët që ju kanë marë dinjitetin.
Do votojnë edhe politikanët e funksionarët milionerë..
Ky shtet me këtë inflacion po shkon drejt falimentimin dhe po e mbanë në këmbë solidariteti dhe diaspora jonë e dashur.
Rinia e ka kuptuar këtë dhe po largohet, por ky dorëzim do na çoj në fatalitet, po mbetemi shtet pa resurse njerëzore.
Me këtë avaz, s’bëhet fjalë më për politikë dhe trazirat sociale do jenë të pashmangshme…
Shpresojmë do bëhet mirë, por vështirë derisa politika për vite me radhë mendon vetëm për vete dhe nuk sheh të avancojë vlerat dhe meritokracinë.
