Xhudistja Laura Fazliu ka bërë vend në gjysmëfinale të Grand Slamit të xhudos, i cili po mbahet në Tbilisi të Gjeorgjisë.
Në çerekfinale, Laura ka mposhtur kampionen në fuqi të Evropës nga Britania e Madhe, Gemma Howell.
Lufta e kategorisë deri 63 kilogramë dhe xhudistja nga Kosova e fitoi me mbërthim shumë efikas. Ajo fillimisht fitoi ndaj kinezes Jing Tang e më pas e mposhti francezen Gaetane Deberdt.
Laura Fazliu për herë të dytë rresht ka mposhtur britaniken Howell dhe kështu po dëshmon që tashmë i takon elitës botërore të xhudos.
