Kylian Mbappe luajti vetëm 21 minuta ndaj Montpellier, pasi francezi u largua i dëmtuar duke vendosur në alarm trajnerin Galtier.
PSG ia doli të merrte tri pikët, por tani vëmendja spostohet te sulmuesi, i cili ndjeu shqetësime në pjesën e gjurit.
Kjo pasi muaji shkurt është shumë vendimtar për parizienët, pasi PSG do të luajnë dy herë ndaj Marseille, në kupë dhe kampionat, ndaj Monaco dhe në Champions League do të masin forcat me Bayern Munchen, takim që pritet me interes.
Pas dëmtimit të Neymar, mungesa e Mbappe do të ishte një humbje e madhe për PSG, por priten ekzaminimet e reja mjekësore për të kuptuar kohën e rekuperimit.
