Milani thuhet se ka arritur marrëveshje me Real Madridin për të nënshkruar me mbrojtësin Aleks Himenez në merkaton e ardhshme të verës. Një produkt i akademisë së “Los Blankos”, Himenez iu bashkua skuadrës U-19 të Rossonerëve në formë huazimi verën e kaluar. Ai ka bërë pesë paraqitje për ekipin senior të Milanit këtë sezon, tri në Serie A dhe dy në Kupën e Italisë.
Sipas “Sky Sports Italy”, Milani ka arritur një marrëveshje të hershme për nënshkrimin e përhershëm të Aleks Himenezit nga Real Madrid për një tarifë pak më pak se pesë milionë euro.
“Los Blankos” thuhet se do të kenë një klauzolë kthimi në kontratën e Himenezit, shuma e së cilës nuk është bërë e ditur. Milani aktualisht është i dyti në tabelën e Serie A me 62 pikë nga 29 ndeshje, pas rivalit të madh Interit, i cili ka grumbulluar 76 pikë në të njëjtin numër ndeshjesh.
