Serbi Novak Gjokoviq nuk është hera e parë që provokon me gjuhën e tij dhe i shpëton dënimit siç ndodhi edhe në turneun e fundit Roland Garros.
Amelie Oudea-Castera, ministrja e Sportit e Francës, theksoi se mesazhi i Novak Gjokoviqit: “Kosova është zemra e Serbisë” është “i papërshtatshëm dhe mos të përsëritet”.
“Kur dërgon mesazhe që janë në mbrojtje të të drejtave të njeriut, mesazhe që i afrojnë njerëzit rreth vlerave universale, një sportist është i lirë t’i dërgojë ato.
Ky është një mesazh militant dhe shumë politik i Gjokoviqit që nuk duhet të përsëritet”, tha Amelie në një intervistë për France 2.
