Erling Haaland do të ndryshojë ambient në vitin 2025. Ky është lajmi i bujshëm që publikon “Mundo Deportivo”, që e jep të sigurt se norvegjezi do të transferohet te Barcelona.
Edhe pse pjesa më e madhe e priste Haalandin në Madrid, “Mundo Deportivo”, thekson se Barça do të rritet financiarisht vitin e ardhshëm dhe do të ketë mundësinë për të shpenzuar për një lojtar si 23-vjeçari.
Në këtë formë, Barcelona do t’i kundërpërgjigjej Realit që është shumë pranë firmës me Kilian Mbape, për të nisur kështu një tjetër rivalitet si ai i periudhës mes Kristiano Ronaldos dhe Lionel Mesit.
Mbetet për t’u parë se si do të zhvillohet ky lajm i merkatos me Man. Sitin që nga ana e saj do të tentojë të rezistojë për një lojtar që ëshë shndërruar në një element thelbësor për lojën e Pep Guardiolës.
