Neymari pritet të largohet nga PSG-ja në fund të sezonit.
Sulmuesi brazilian nga sezoni i ri mund të luaj në Premierligën angleze, te skuadra e Newcastle United, shkruan IndeksOnline.
“Relevo” raporton se Newcastle tashmë ka nisur bisedimet me përfaqësuesit e Neymarit për transferimin e tij në “St James’ Park”.
31-vjeçati ka pasur probleme me klubin parisien dhe po e mendon seriozisht largimin.
Në javët e fundit është spekuluar se Neymar mund të rikthehet te ish-klubi i tij, Barcelona, derisa ka pasur interesim edhe nga skuadra e Chelseas.
Sulmuesi brazilian ka kontratë me PSG-në deri më 30 qershor 2025. /IndeksOnline/
