Qytetarët e komunitetit maqedonas e konsiderojnë Serbinë si aleatin më të madh dhe më të rëndësishëm të vendit.
Këtë e tregon sondazhi i Institutit Republikan Ndërkombëtar (IRI), përcjell INA.
Sipas sondazhit, për 34 për qind të të anketuarve në Maqedoninë e Veriut, Serbia është aleati më i rëndësishëm, përpara SHBA-së, e cila u zgjodh me 17 për qind, e ndjekur nga Turqia me 12 për qind, e ndjekur nga Rusia me 8 për qind dhe Shqipëria me 5 për qind.
Nga ana tjetër, rreziku më i madh për Maqedoninë është Bullgaria, janë përgjigjur 23 për qind nga qytetarët e Maqedonisë të përfshirë në anketë.
Në vend të dytë është Rusia me 12 për qind, në vendin e tretë Kosova me 10 për qind, në vendin e katërt është Shqipëria me 9 për qind dhe në vendin e pestë janë SHBA me 8 për qind.
Anketa shtroi edhe pyetjen se si duhet të jetë rrjedha e politikës së jashtme të Maqedonisë. Sipas rezultateve, 31% e të anketuarve janë përgjigjur se politika e jashtme duhet të jetë pro-BE dhe pro-perëndimore, 11% janë pro-ruse me ruajtjen e marrëdhënieve me BE-në dhe Perëndimin, dhe 5% janë vetëm për politikë pro-ruse.
Krahasuar me vendet e tjera në anketën e bërë, askush nuk e konsideron Maqedoninë aleate të rëndësishme, e as kërcënim.
Anketa e IRI-së u krye në shkurt dhe mars të këtij viti me intervista ballë për ballë me 7,138 të anketuar të rritur në gjashtë vendet e Ballkanit Perëndimor.(INA)
