Kandidati i VLEN-it për president Arben Taravari nga tubimi në Dibër premtoi se me ardhjen në pushtet të opozitës shqiptare do të ndalojnë bixhozin, do të mbyllin kompanitë e kredive të shpejta dhe do të falin borxhet e qytetarëve nga këto kredi.
Ai tha se qasja e lehtë dhe e shpejtë në para me fajde i ka zhytur qytetarët në borxhe derisa siç tha ai Klani i Lotarisë merr pjesën e tij.
“Nuk ka më pasurim në kurriz të qytetarëve, nuk ka më trashje të qafës në kurriz të taksave të qytetarëve. Nuk duhet të ketë përfitime nga fatkeqësia e qytetarëve e as nga tragjedia e familjarëve. Ne si koalicion VLEN dhe si qeveri e ardhshme, menjëherë do të ndalojmë bixhozin plotësisht në Maqedoni. Do të mbyllim kompanitë e kredive të shpejta, do të falim të gjithë borxhet e qytetarëve të marra si kredi të shpejta”, tha Arben Taravari, kandidat për president nga VLEN.
