Bashkimi Demokratik Kroat (HDZ) në pushtet fitoi shumicën e votave në zgjedhjet parlamentare, por, sipas sondazheve të daljes, do të ketë më pak vende parlamentare sesa në përbërjen e deritanishme të parlamentit, gjë që do ta detyrojë atë në negociata të vështira për koalicionin.
Komisioni Shtetëror Zgjedhor Kroat njoftoi në faqen e tij të internetit se deri në orën 06:45 të mëngjesit të sotëm janë numëruar 99.70 për qind e votave në zgjedhjet parlamentare, ku renditja sipas mandateteve të deputetëve vijon:
HDZ – 61 deputetë, SDP – 42, Domovinski pokret – 14, Most – 11, Možemo! – 10, IDS – 2, Fokus – 2, NP Sjever – 1.
Kryetari i HDZ, Andrej Plenkoviq ka faleminderuar kroatët për mbështetjen e dhënë, por tha se i pret punë për formimin e Qeverisë së re.
“Ne do të kujdesemi për interesat e shtetit kroat, dhe ekonomia kroate ka një interes kyç, e ai është formimi i shumicës, Parlamentit dhe qeverisë së re menjëherë, sa më shpejt të jetë e mundur”, tha Plenkoviç.
“Ruajtja e stabilitetit dhe formimi urgjent i parlamentit dhe qeverisë është e vetmja mënyrë në këto rrethana që gjendet Evropa dhe bota dhe që ne mund të garantojmë sigurinë shoqërore për qytetarët kroatë, Unë sugjeroj që të argëtohemi pak: Dhe që nga nesër të fillojmë detyra të reja në interes të popullit dhe shtetit kroat,” tha Plenkoviq.
Këto janë zgjedhjet e 11-ta parlamentare pas shpalljes së pavarësisë së shtetit kroat në vitin 1991.(INA)