Klubi i Karatesë Bashkimi-Kumanovë,me trajnerin Mursel Misini sot kanë shënuar një rezultat të jashtëzakonshëm, njofton agjencia e lajmeve INA.
Në kampionatin shtetëror të karatesë për pionerë 10-13, i cili u mbajtë në Gjevgjeli, ky klub garoi me 6 garues, katër prej të cilëve morën medalje të arta dhe dy të bronzta.
Gjashtë garuesit, duke treguar një performancë të shkëlqyer, arritën të kualifikohen në kampionatin ballkanik që do mbahet në Stamboll të Turqisë.
Rezultatet
Rinar Bilalli – vendi i I-rë 🥇
Azem Azemi – vendi i I-rë 🥇
Ajan Muharremi – vendi i I-rë 🥇
Sara Muadini – vendi i I-rë 🥇
Rufat Rushiti – vendi i III-të 🥉
Arbër Pajaziti – vendi i III-të 🥉
Klubi i Karatesë kërkon nga sportdashësit që t’i mbështetin financiarisht për t’i mbuluar shpenzimet e këtyre djelmoshave të jashtëzakonshëm për të marrë pjesë në kampionatin ballkanik që mbahet në Stamboll të Turqisë, nga data 31/05-02/06/2024. (INA)
