Lausanne-Ouchy ka regjistruar një sukses historik sonte, duke siguruar promovimin në Superligën e Zvicrës për herë të parë.
Skuadra e drejtuar nga Anthony Braizat shënoi fitore sonte edhe në ndeshjen e dytë ndaj Sionit, shkruan Gazeta Express.Laussane-Ouchy kishte përfunduar në pozitën e tretë në kategorinë e dytë të futbollit zviceran, kurse Sioni ishte i fundit në Superligë – andaj këto dy skuadra u përballen në barazh mes vete.
Skuadra nga Laussane ndeshjen e parë e kishte fituar me rezultat 2:0, kurse sonte fitoi 4:2.
Kjo fitore dhe ky sukses historik u arrit falë shqiptarëve.
Liridon Mulaj shkëlqeu me dy gola, teksa një e shënoi edhe Alban Ajdini.
Te kjo skuadër kapiten është Lavdrim Hajrullahu, teksa pjesë e skuadrës janë edhe dy shqiptarët tjerë, Rejan Thaçi e Mergim Qarri.
