Edhe pse ligji që edhe në uniformat e policisë të frymojë gjuha shqipe hyri në fuqi ditë më parë, kjo nuk e pengoi SPB Tetovë që të jetë më i shpejtë se të gjithë të tjerët, ajo nga sot frymon edhe në Gjuhën Shqipe.
Duke filluar nga uniformat e policisë, mbishkrimet në vetura, mbishkrimet brenda stacioneve të gjithë sot në policinë e Tetovës, Gostivarit, Vrapçishtit, Zhelinës, Mavrovës të gjitha emblemat zyrtare të policisë së shtetit flisnin në Gjuhën Shqipe. Në këto vende ku shqiptari ska guxuar të thotë një “ë” dhe një “y” atje sot flet, lexon dhe bën paraqitjen në Gjuhën Shqipe. Pritet që brenda ditëve edhe stacionet tjera të policisë të shkojnë rrugës së SPB Tetovë.
