AstraZeneca ka njoftuar se po tërheq vaksinën e saj “Vaxzevria” kundër Covid-19 muaj pasi pranoi se ilaçi mund të shkaktojë mpiksje të rrallë gjaku. Sipas njoftimit të kompanisë, vaksina nuk do të mund të përdoret më në Bashkimin Evropian. Kërkesa për tërheqje është dorëzuar më 5 mars dhe ka hyrë në fuqi që nga dita e djeshme.
Kompania farmaceutike tha se do të tërheqë autorizimet e marketingut për Vaxzevria në Evropë, duke e justifikuar veprimin e saj për shkak të “tepricës së vaksinave të përditësuara në dispozicion” që nga pandemia. Kjo, sipas njoftimit, ka sjellë rënie të kërkesës për vaksinën e AstraZeneca, e cila nuk po prodhohet më dhe as nuk tregtohet.
