Mëngjesi i nesërm do të jetë kryesisht kthjellët dhe në disa vende edhe i ftohtë, ndërkaq gjatë ditës do të ketë diell me vranësira të vogla. Kështu do të jetë moti nesër në Maqedoninë e Veriut, bëjnë të ditur nga Drejtoria për Punë Hidrometeorologjike, transmeton TV21.
Në disa vende do të ketë reshje të shiut dhe do të fryjë erë e lehtë.
Temperatura minimale, siç bëjnë të ditur nga DPHM-ja do të jetë në interval prej -1 deri në 7, ndërkaq maksimalja do të arrijë prej 16 deri në 23 gradë Celsius.
Edhe në Shkup pritet mot i ngjashëm. Temperatura minimale do të ulet deri në 3, kurse maksimalja do të arrijë deri në 21 gradë Celsius.
Edhe e shtuna do të jetë me mot kryesisht të ngjashëm, ndërkaq ngritje të temperaturave priten të regjistrohen gjatë ditës së diel. Më pas vijon periudhë më e ngrohtë dhe më stabile./TV21
