Koalicioni i opozitës shqiptare VLEN sonte ka festuar së bashku me mbështetësit e tyre në shtabin e tyre zgjedhor.
Përpos liderit të Lëvizjes BESA Bilall Kasami, të pranishëm janë tre liderët Arben Taravari nga Aleanca për Shqiptarët, Afrim Gashi nga Alternativa dhe Izet Mexhiti nga Lëvizja Demokratike.
Kasami tha se ata janë fitues në kampin politik shqiptar, ndërsa falënderoi edhe diasporën.
“Në këtë atmosferë impozante shpallim fitore në kampin politik shqiptar. Koalicioni VLEN është është fitues absolut i këtyre zgjedhjeve dhe për këtë falënderojmë diasporën të cilët erdhën për të votuar ndryshimin, falë tyre…edhe një herë ata treguan se në vendlindjen e tyre ata janë faktor ndërkombëtar dhe në këtë rast ne i falënderojmë nga zemra për çdo votë të marrë. 100 mijë herë faleminderit diasporë”, tha Kasami.(INA)
