Carlo Ancelotti beson se goli i Jude Bellingham kundër Barcelonës në tetor ishte një ‘moment kyç’ në rrugëtimin e fitimit të titullit të Real Madridit për këtë sezon.
Merengues u bënë kampionë të La Ligës të shtunën mbrëma pas humbjes 4-2 të Barcelonës kundër Granadës.
“Jemi shumë të lumtur dhe shumë të kënaqur. Është një La Liga e merituar në çdo mënyrë dhe ne kemi pasur mbështetje fantastike nga tifozët”, deklaroi Ancelotti për Real Madrid TV.
“Ne do të donim të festonim me të gjithë tifozët, por ata e kuptojnë sepse të mërkurën kemi një sfidë shumë të rëndësishme. Duam të përgatitemi mirë për t’i lumturuar tifozët dhe të shtunën do ta festojmë titullin së bashku. Tani është e rëndësishme të kemi një festë të përmbajtur sepse objektivi i së mërkurës është shumë i rëndësishëm”, shtoi italiani
Cili është momenti kryesor i sezonit të Real Madridit?
“Angazhimi i të gjithëve. Ka qenë e lehtë të menaxhosh këtë skuadër sepse ka shumë përkushtim, pak ego, të gjithë ndihmojnë njëri-tjetrin dhe janë miq”, u përgjigj Ancelotti.
“Kemi një atmosferë të mirë dhe këto karakteristika na kanë lejuar të fitojmë. Ka qenë një sezon fantastik në La Liga, me shumë vazhdimësi, përkushtim dhe qëndrim. Gjithçka ka shkuar mirë falë lojtarëve tanë dhe mbi të gjitha tifozëve. Këtu në Bernabeu ata na kanë dhënë shumë mbështetje në çdo ndeshje”.
Cili ishte momenti kyç?
“Të gjithë prisnin që ne të rrëshqisnim dhe ne nuk rrëshqitëm. Goli i Bellingham kundër Barcelonës na dha avantazhin. Ne patëm shumë vazhdimësi nga ndeshja e parë në të fundit”, vazhdoi italiani.
Ancelotti ka tani 12 tituj me Real Madridin.
“E kam parasysh gjithashtu se po afrohem me legjendarin Miguel Munoz. Ne duam të luajmë një tjetër finale në Londër. Të gjithë tifozët e duan këtë dhe ne do të festojmë titullin fundjavën e ardhshme”, ka potencuar Ancelotti./Telegrafi
