Trajneri i Real Madridit, Carlo Ancelotti e ka konfirmuar portierin titullar për ndeshjen e nesërme të Ligës së Kampionëve kundër Bayern Munichut.
Andriy Lunin ka qenë së fundmi titullari i padiskutueshëm i Realit, por me rikthimin e Thibaut Courtois nga lëndimi, Ancelotti tani ka një problem se kë ta zgjedh për portën e tij para ndeshjes së nesërme me Bayernin.
Por, Ancelotti e ka konfirmuar se Lunin do të jetë nesër portieri numër një i Realit.
“Lunin do të jetë titullar kundër Bayernit. Edhe nëse Courtois luajti një ndeshje tejet të mirë, plani ishte që Lunin të jetë titullar nesër. Ne jemi të lumtur shumë me Courtois dhe ai po stërvitet në mënyrë fantastike, ai meriton shumë”, tha Ancelotti.
Nesër me fillim nga ora 21:00 Real Madridi e zhvillon ndeshjen e kthimit kundër Bayern Munichut në Ligën e Kampionëve. Rezultati i ndeshjes së parë është i barabartë 2:2.
