Kandidati për president Maksim Dimitrievski nga partia e sapoformuar ZNAM sot është paraqitur në një seancë gjyqësore në në Gjykatën Themelore në Kumanovë pas akuzës ndaj tij për keqpërdorim të pozitës zyrtare dhe kompetencave, pas kallëzimit penal nga kompanitë ndërtuese të Kumanovës “Deluxe Auto” dhe “Hromak”.
Kryetari i ZNAM-it ka rezerva se përse prokurori i Kumanovës, Isa Sulejmani, e ka pranuar kërkesën dhe ka bërë propozim prokurorial dhe po ashtu, kjo po ndodh në këtë periudhë parazgjedhore, përcjell INA.
Kompanitë kanë denoncuar kryetarin e komunës së Kumanovës se nuk u ka lëshuar leje ndërtimi për ndërtimin e një objekti të lartë dhe se kanë pësuar dëme prej 55 mijë eurosh, sepse nuk u ka dhënë zgjidhje për arkëtimin e shërbimeve komunale për objektin.
Dimitrievski pohon se për rastin ka ekspertizë nga ekspertë, të cilin prokurori nuk e ka marrë parasysh. Seanca u shty për më 30 prill. Dimitrievski akuzohet se nuk ka respektuar ligjin e ndërtimit dhe vendimet e Gjykatës Kushtetuese.(INA)
