Të hënën në një spital në Shkup ka vdekur Ilir Qallapeku, truproja e ish-presidentit të Kosovës, Hashim Thaçi. Familjarë të tij rastin e kanë raportuar në Policinë e Kosovës.
Nga ky institucion është bërë e ditur se me vendim të Prokurorit rasti është iniciuar si “hetim mbi vdekjen”, ndërsa që trupi i tij është dërguar në Institutin e Mjekësisë Ligjore për autopsi.
U raportua se ai ka vdekur nga një atak kardiak. Por, familjarët e tij po dyshojnë se vdekja e tij mund të ketë ardhur nga dora e njeriut.
Burime të portalit Reporteri brenda autoriteteve të sigurisë kanë bërë të ditur se familjarët e tij kanë kërkuar që trupit të tij, t’i bëhet obduksioni.
Media merr vesh se për këto dyshime, ka raportuar në polici, i vëllai Ganiu.
Ai ka thënë se nuk ka dyshime rreth trajtimit të tij në spital, në Shkup mirëpo dëshiron që të dijnë shkaqet që kanë dërguar deri tek ataku kardiak që ka pasur vëllau i tij me datë 13 tetor 2023.
“Ankuesi thotë se vëllau i tij nuk pas pasur probleme shëndetësore me herët prandaj edhe lë dyshime se kjo mund të jetë nga dora e njeriut.”, ka thënë një burim i besueshëm. Ilir Qallapeku vdekur të hënën në një spital në Shkup, ku sipas raportimeve i njëjti vdiq pas një sulmi në zemër. (INA)