Kandidati për president Makism Dimitrievski nga Lëvizja ZNAM dje foli para qytetarëve të Manastirit ku tha se i lexojmë si abetare dhe se sapo largohen ata që janë në pushtet, vijnë të tjerë që janë madje edhe më të këqij. Në tubimin para manastirasve foli edhe bartësja e listës së deputetëve në NJZ5, Vesna Bendevska.
“Duhet të jemi si qytetarët e tjerë në këtë shtet, qytetarë të rendit të parë. Se vazhdimisht flasin për shoqëri multietnike, por shohim se si BDI bën çka do rreth 20 vjet me dy partitë më të mëdha maqedonase dhe së bashku ndërtojnë shoqëri bietnike, tha Maksim Dimitrievski”, kandidat për president ZNAM.
“Për ne, integrimi europian është jashtëzakonisht i rëndësishëm, por ne duam të hyjmë me dinjitet në BE si maqedonas që flasin gjuhën maqedonase me historinë e tyre kombëtare, kulturën dhe identitetin e tyre dhe asgjë tjetër. Maqedonia do të hyjë në BE duke përmbushur kriteret e Kopenhagës me të njëjtat kushte që kanë plotësuar vendet anëtare të BE-së, jo nën shantazhe dhe kushtëzime se ne jemi një komb artificial”, tha Vesna Bendevska, bartëse e listës së deputetëve në NJZ5.
